မမဦးတစ်ယောက် နောက်တစ်ယောက်ရှာတွေ့သွားခဲ့ပြီဆိုပြီး ကျက်သရေရှိတဲ့ Pre Wedding ဓာတ်ပုံလေးတွေကို ချပြလာခဲ့တဲ့ ဆုထက်လှိုင်

အဆိုတော်တစ်ယောက်အဖြစ် အနုပညာလောကထဲကိုဝင်ရောက်လာခဲ့သူတစ်ယောက်ဖြစ်တဲ့ ဆုထက်လှိုင်ကတော့ သီချင်းဆိုကောင်းရုံသာမက သရုပ်ဆောင်လည်းကောင်းမွန်သူဖြစ်ကြောင်းကို “ဒေါင်းယာဉ်ပျံဘုံနံဘေးမှာစာရေးလို့ထားချင်တယ်” ဇာတ်လမ်းတွဲမှာ သက်သေပြနိုင်ခဲ့ပြီပဲဖြစ်ပါတယ်။ ဆုထက်လှိုင်ကလည်း သူမရဲ့ အနုပညာအပေါ်မှာ မလျော့တဲ့ဇွဲ၊ လုံ့လတွေနဲ့ တစ်နေ့ထက်တစ်နေ့ကြိုးစားနေလျက်ရှိတာပဲဖြစ်ပါတယ်။

လက်ရှိမှာ ရေပန်းစားနေတဲ့ သရုပ်ဆောင်တစ်ယောက်ပီပီ အနုပညာလှုပ်ရှားမှုတွေလက်မလည်အောင်လုပ်ကိုင်နေရတဲ့ ဆုထက်လှိုင်ဟာ ဒီတစ်ခါမှာလည်း ထိုင်မသိမ်းဝတ်စုံလေးနဲ့ ကျက်သရေရှိတဲ့ Pre Wedding ဓာတ်ပုံလေးတွေကို ချပြလာခဲ့ပါတယ်။ ဆုထက်လှိုင်က သရုပ်ဆောင် ရဲရင့်မောင်မောင်နဲ့အတူတူ KMA Wedding Photo Studio အတွက် ဓာတ်ပုံလေး ရိုက်ကူးပေးခဲ့တာကို ပရိသတ်တွေအတွက် မျှဝေပေးလိုက်ပါတယ်နော်။

ဆုထက်လှိုင်ကတော့ “မမဦးလေးတယောက် နောက်တယောက်တွေ့သွားရှာပြီ 🤣” ဆိုပြီး သတို့သားလေးနဲ့ Wedding Photo Studio အတွက် Pre Wedding ဓာတ်ပုံလေးတွေ ရိုက်ကူးခဲ့တာကို မျှဝေပေးခဲ့တာပဲဖြစ်ပါတယ်။ ပရိသတ်ကြီးလည်း ဆုထက်လှိုင်ရဲ့ ပုံရိပ်လေးတွေကိုကြည့်ပြီး သဘောကျကြမယ်ထင်ပါတယ်နော်။

ကျွန်တော်တို့ရဲ့ website ပေါ်တွင်တင်ထားသော သတင်းများကို အခြား‌ page များ နှင့် websites များ ‌မှ ကူးယူဖော်ပြခြင်းအား ခွင့်မပြုပါဘူး။ကျေးဇူးပြု၍ ကူးယူခြင်းမပြုလုပ်ရန် လေးစားစွာဖြင့် မေတ္တာ ရပ်ခံအပ်ပါသည်။

Source: KMA Wedding Photo Studio’s fb