ဖြစ်နေတဲ့ပြဿနာတွေကို နားလည်စွာနဲ့ အလှဓာတ်ပုံတွေဆက်မတင်တော့ပါဘူးလို့ တောင်းပန်လာတဲ့ ခင်ရူပ

ဖြစ်နေတဲ့ပြဿနာတွေကို နားလည်စွာနဲ့ အလှဓာတ်ပုံတွေဆက်မတင်တော့ပါဘူးလို့ တောင်းပန်လာတဲ့ ခင်ရူပ

သရုပ်ဆောင်နဲ့ မော်ဒယ်လ် ခင်ရူပကတော့ အသက် (၁၄) နှစ်အရွယ်ကတည်းက အလှမယ်ပြိုင်ပွဲတွေမှာ ဝင်ရောက်ယှဉ်ပြိုင်ခဲ့သူဖြစ်ပြီး Miss Tourism Beauty Pageant 2011 ပြိုင်ပွဲကြီးမှာ Winner တစ်ယောက်အဖြစ် လူသိများကျော်ကြားခဲ့သူဖြစ်ပါတယ်။ ခင်ရူပက ပြီးခဲ့တဲ့ရက်မှာ Brussels မှာ ကျင်းပပြုလုပ်တဲ့ Tomorrowland ဂီတဖျော်ဖြေပွဲကို သွားရောက်ပြီး အလှဓာတ်ပုံတွေကိုတင်ခဲ့တာကြောင့် ပရိသတ်တွေရဲ့ ဝေဖန်မှုကို ပြင်းပြင်းထန်ထန်ရရှိခဲ့တာပဲဖြစ်ပါတယ်။ အဲ့ဒီအတွက် ခင်ရူပက သူမရဲ့ ဖေ့စ်ဘုတ်အကောင့် My Day မှာ အခုလိုပဲ တောင်းပန်လာခဲ့ပါတယ်။

ခင်ရူပက “လွန်ခဲ့တဲ့ ၂၄ နာရီတုန်းကပဲ တင်ထားတာနော်။ အခုဖြစ်သွားတဲ့ အချိန်အခါကိုနားလည်လို့ ဘာမှဆက်တင်မှာမဟုတ်တော့ပါဘူး။ အရင်ရက်တွေလိုပဲ ဒီတိုင်းအလှပုံတွေတင်ခဲ့မိတာပါ။ အားလုံးစိတ်အနှောက်အယှက်ဖြစ်သွားရင် Sry ပါရှင်။ မဟုတ်တာတွေပါ စွပ်စွဲကြတဲ့ ကျန်တဲ့အရာတွေတော့ မရှင်းပြတော့ပါဘူးရှင်။ အားလုံးပူလောင်နေကြလို့ နားလည်ပေးပါတယ်နော် Sorry ပါ” ဆိုပြီး ပြောလာတာပဲဖြစ်ပါတယ်။

ခင်ရူပကတော့ သူမနဲ့ပတ်သက်ပြီး စိတ်အနှောင်အယှက်ဖြစ်သွားရင် တောင်းပန်သလို မဟုတ်မမှန်စွပ်စွဲကြတဲ့သူတွေကိုလည်း နားလည်ပေးပါတယ်ဆိုပြီး ပြောလာတာပဲဖြစ်ပါတယ်။ လက်ရှိမှာလည်း ခင်ရူပက သူမရဲ့ ဖေ့စ်ဘုတ်စာမျက်နှာမှာ အလှဓာတ်ပုံသာမက ဘာကိုမှလည်း မတင်တော့တာကို တွေ့ရပါတယ်။

ကျွန်တော်တို့ရဲ့ website ပေါ်တွင်တင်ထားသော သတင်းများကို အခြား‌ page များ နှင့် websites များ ‌မှ ကူးယူဖော်ပြခြင်းအား ခွင့်မပြုပါဘူး။ကျေးဇူးပြု၍ ကူးယူခြင်းမပြုလုပ်ရန် လေးစားစွာဖြင့် မေတ္တာ ရပ်ခံအပ်ပါသည်။